Ўзбек-ҳинд халқларининг тарихи узоқ ўтмишга бориб тақалади. Балки шоҳ Бобурнинг айнан ҳинд тупроғи сари чоғланганида ҳам гўзал бир ўтмиш бўлса, ажаб эмас. Бу икки халқнинг бир-бирларига самимий эҳтироми содда - феъл атворларининг ўхшашлигидадир. Балки жонбахш наволарининг бир-бирига ошуфталигида. Боиси не бўлганда ҳам дарёқалб халқимиз ҳинд халқини ўз биродарларидек яхши кўради.

Ҳинд миллатининг, санъатининг фахри бўлган бетакрор Раж Капур ва унинг фарзандларини она юртимизда кутиб олиш ажойиб тантана ва тарихий байрамга айланиб кетганини кўпчилик яхши эсласа керак. 2006 йили пойтахтимизга ташриф буюрган Риши, Рандхир ҳамда Ражив Капурлар оталари - Раж Капурнинг ўлмас сиймосини ўзбек саҳнаси узра яна жонлантирганида юраклар қалқиди. Иншоолло, ҳали бу каби тантаналарга юртимиз тупроғи, саҳналари, дастурхонлари кўп бор гувоҳ бўлади...