Маълумки, Токиода ўтказилган “Марказий Осиё + Япония” бизнес-форуми минтақавий ҳамкорликни ривожлантиришда муҳим аҳамият касб этади. Айниқса, мазкур йиғинда минтақа давлатларининг барча етакчилари иштирок этаётгани тадбирнинг сиёсий ва иқтисодий нуфузини янада оширмоқда.

Қирғиз Республикаси Президенти ҳузуридаги Миллий инвестициялар агентлиги раҳбари Равшанбек Собиров таъкидлашича, Япониянинг йирик технологик ва молиявий корпорациялари бугун Марказий Осиё давлатларига катта қизиқиш билдирмоқда.

– Биламизки, Япония бутун дунёда сифат ва юқори технологиялар мамлакати сифатида эътироф этилади, -дейди у. – Ушбу кунчиқар ўлканинг йирик технологик корхоналари, молиявий корпорациялари бугун Марказий Осиёга катта қизиқиш билдирмоқда. Бундан ташқари, улар инсон капиталига ҳам алоҳида эътибор қаратмоқда. Сабаби, Япония аҳолиси таркибида ёшлар улуши атиги 11,2 фоизни ташкил этади. Марказий Осиё давлатларида эса бу кўрсаткич анча юқори. Масалан, Қирғизистонда ёшлар аҳолининг 36 фоизидан ортиғини, Ўзбекистонда эса 50 фоиздан зиёдини ташкил этади. Таъкидлаш жоизки, имзоланаётган меморандум ва келишувлар инвесторлар учун муҳим кафолат вазифасини ўтайди. Чунки инвестицияларни ҳимоя қилиш бизнес учун асосий омил ҳисобланади. Давлат раҳбарлари иштирокида бундай ҳужжатларнинг имзоланиши эса Япония ҳамда Марказий Осиё бизнес доиралари учун кучли рағбат бўлади.

Ушбу интервьюни ЎзАнинг “YouTube” каналида кўришингиз мумкин.

<iframe width="640" height="420" src="https://www.youtube.com/embed/SzAmpdp1EY8" title="Ravshanbek Sobirov: Yaponiyaning yirik moliyaviy korporatsiyalari Markaziy Osiyoga qiziqishi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Дилшод Ҳакимов, ЎзА