Тошкент халқаро кинофестивалининг тўртинчи кунида россиялик таниқли актриса Равшана Куркова билан ижодий учрашув бўлиб ўтди.

Учрашув чоғида  Равшана Куркова   фестивалнинг ташкил этилишини юқори баҳолаб, бундай нуфузли тадбирлар Ўзбекистон ҳукумати томонидан қаратилаётган эътибор самараси эканига аҳамият қаратди.

Тошкентда туғилиб, 17 ёшимгача шу ерда яшаган ҳамюртимизга Ўзбекистон  азиз ва қадрлидир.

Унинг таъкидлашича, болалик ва ёшлик йиллари Ўзбекистонда ўтганлиги сабабли, у мамлакатда бўлаётган барча воқеаларни кузатиб боради.

- Тошкент халқаро кинофестивалини кенг кўламли ва юқори даражадаги тадбир сифатида баҳолаш мумкин. Фестиваль Ўзбекистон учун жуда муҳим. У жаҳон кино маданиятини бевосита кузатиш имконини беради. Фестивалнинг ривожланиб бораётгани Ўзбекистон Президентининг кинога катта эътибор қаратаётганидан далолатдир. Фестиваль, шунингдек, ёшлар учун ҳам ажойиб имконият. Улар кўп нарсани ўрганиши, янги билимларга эга бўлиши мумеин,  - деди Равшана Куркова.

Насиба Зиёдуллаева,  ЎзА