"Рассом устахонаси"

2-қисм

“Рассом устахонаси” лойиҳасининг  қаҳрамони “Ўзбекистон халқ рассоми", Ўзбекистон Бадиий академиясининг академиги, Ўзбекистон Давлат мукофоти совриндори, Ўзбекистон Бадиий академиясининг “Олтин медали” соҳиби, профессор Акмал Икромжонов.

Рассом 1952 йил Тошкент шаҳрида таваллуд топган. 1971 йил Репин номидаги Санкт-Петербург рангтасвир, ҳайкалтарошлик ва меъморчилик институтида таҳсил олган. 1979 йилдан эса Тошкентдаги Маннон Уйғур номидаги театр ва рассомчилик институтининг рассомчилик факультетида ўқитувчилик қила бошлайди. Ўша йилларда мусаввир асосан портрет ва натюрморт ҳамда манзара жанрида ижод қилди. 1997 йилдан 2005 йилгача Ўзбекистон Бадиий Академияси раисининг биринчи ўринбосари лавозимда ишлади.  

2005 йилдан Камолиддин Беҳзод номидаги МРДИ институтда дарс бериб келмоқда.  Рассомнинг асарлари миллий руҳ, маънавий ёритилиш билан ажралиб туради. Акмал Икромжоновнинг асарлари юртимиз ва хорижий музейларда ҳамда хусусий тўпламларда сақланади.  

<iframe width="650" height="420" src="https://www.youtube.com/embed/vR8r-Vxxdho" title="&quot;Rassom ustaxonasi&quot;RASSOM - KOʻRGANINI EMAS, HIS QILGANINI ChIZADI" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Акмал Икромжонов реализм ва миллий романтизм йўналишда ижод қилади. У реал шаклларни сақлаган ҳолда, образга фалсафий руҳ қўшади. Портретларида фақат ташқи ўхшашлик эмас, балки ички дунё, характер ва маънавиятни очишга интилади. Тарихий шахслар образида улуғворлик ва маънавий кучни кўрсатади. Шунинг учун унинг асарлари “оддий расм” эмас, фикрга чорловчи бадиий асар сифатида қабул қилинади.

Мунира Рамазонова, Нишонбой Абдувоитов, ЎзА