Ўзбекистонда инсон ҳуқуқларига риоя этиш ва уни ҳимоя қилишнинг миллий механизмларини янада мустаҳкамлаш ва ривожлантириш бўйича тизимли чора-тадбирлар амалга оширилмоқда. Рақамлаштириш даврида Ўзбекистон халқаро ҳуқуқ субъекти сифатида ўз ривожланишининг янги босқичига кўтарилиб, халқаро нормалар яратишнинг фаол иштирокчиси ва янги халқаро шартномалар ташаббускори сифатида майдонга чиқмоқда.

Жаҳон иқтисодиёти ва дипломатия университетида “Рақамлаштириш даврида инсон ҳуқуқларининг конституциявий кафолатлари” мавзусида халқаро конференция ўтказилди. Унда ҳуқуқшунос олимлар, олий таълим муассасаларининг профессор-ўқитувчилари, ҳуқуқни муҳофаза қилиш органлари ҳамда халқаро ташкилотлар вакиллари иштирок этиб, ўзаро фикр алмашди.   

Тадбирда янги таҳрирдаги Конституция асосида инсон ҳуқуқ ва эркинликларини таъминлаш янги босқичга кўтарилгани, унинг мулкий ҳуқуқларнинг ишончли ҳимоясини таъминлашдаги ўрни, иқтисодий, ижтимоий, маданий-маърифий ҳаётнинг турли соҳаларида амалга оширилаётган кенг кўламли ислоҳотлар ва бу борада эришилаётган натижаларни мустаҳкамлашдаги аҳамияти эътироф этилди.   

[gallery-20786]

Конференция янги конституциявий нормалар жамиятнинг турли жабҳаларидаги ижтимоий муносабатларга қандай таъсир кўрсатаётганини ўрганиш, айниқса, фуқаролик жамияти ривожи, давлат бошқаруви ва инсон ҳуқуқларини ҳимоя қилиш масалаларидаги ўзгаришларни таҳлил қилиш мақсадида ташкил этилди.   

<iframe width="640" height="420" src="https://www.youtube.com/embed/Ll_f2muMvgc" title="Raqamlashtirish davrida inson huquqlarining konstitutsiyaviy kafolatlari" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Шунингдек, тадбир давомида янги технологиялар ва рақамли ривожланиш жараёнида инсон, жамият ва давлат ўртасидаги муносабатларни тартибга солишнинг янги усуллари, хусусан, рақамли ҳуқуқлар, шахсий маълумотларни ҳимоя қилиш каби соҳаларда инновацион ёндашувлар илмий ва амалий жиҳатдан муҳокама қилинди.   

Н.Раҳмонова, А.Мамадаминов (сурат, видео), ЎзА