"Ўзбеккино" Миллий агентлиги буюртмасига биноан суратга олинган "Рангсиз тушлар" фильми Бангладешда ўтказилган халқаро кинофестивалда "Энг яхши сценарий" номинациясида ғолиб бўлди.

Аюб Шаҳобиддинов суратга олган мазкур фильм юртимиздаги барча кинотеатрларда намойиш этилмоқда.

Эслатиб ўтамиз, картина сценарий муаллифи Умид Ҳамдамов. Фильм яна Германия ва Голландия давлатларининг нуфузли танловларида қатнашиш учун йўлланма олган.