Муборак Рамазон ойида юртимиз бўйлаб эҳтиёжманд оилаларни қўллаб-қувватлашга қаратилган хайрия ва ижтимоий ёрдам тадбирлари амалга оширилмоқда.

Давлатимиз раҳбарининг тегишли қарорига мувофиқ, ижтимоий ҳимояга муҳтож ҳамда эҳтиёжманд оилаларга бир марталик моддий ёрдам ажратилмоқда. Хусусан, давлат таъминотидаги оилаларга 1 000 000 сўм, кам таъминланган оилаларга эса 500 000 сўм миқдорида маблағ берилмоқда.

Маълумотларга кўра, Навоий вилоятида 18 мингдан ортиқ оилага ана шундай кўмак етказилиши режалаштирилган. Жараён манзилли ва шаффоф тарзда ташкил этилган бўлиб, рўйхатлар маҳаллалар кесимида шакллантирилган.

[gallery-27872]

Шунингдек, ижтимоий реестрдаги оилаларнинг бемор аъзолари учун даволаниш ва жарроҳлик амалиётларини ўтказиш мақсадида ваучерлар ҳам тақдим этилмоқда.

<iframe width="640" height="420" src="https://www.youtube.com/embed/gNkq0TQZt7w" title="Ramazon oyida ehtiyojmand oilalar qo‘llab-quvvatlanmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Сирож АСЛОНОВ (сурат, видео), ЎзА