Туризм комитетінің қолдауымен «Centrum Air» әуе компаниясы ұйымдастырған «Ташкент – Гуанчжоу» бағыты бойынша алғашқы әуе рейсінің ашылуына қатысқан қытайлық 30-ға жуық туроператорлар мен бұқаралық ақпарат құралдарының өкілдері Бұхарада болды.

Инфотур барысында делегация мүшелері «Арк» қамалы, «Пойи Калон» кешені, қолөнер орталықтары, «Тоқи Заргарон», «Тоқи Саррафон», «Тоқи Телпакфурушон», «Лаби-Хауз» сияқты көрікті орындарға саяхат жасады.

Өзбекстан мен Қытай арасында тікелей әуе рейстерінің ұйымдастырылуы болашақта мемлекетаралық туристік ағымды арттыруға, сондай-ақ Қытай Халық Республикасының аймақтарымен туризм саласындағы ынтымақтастықты қарқынды дамытуға септігін тигізеді.

З.Комилов, ӨзА