«Жасыл энергия» ЖШС мен «Tongwei Solar» арасында жалпы қуаты 300 мегаваттқа дейінгі фотоэлектрлік модульдерді жеткізу туралы келісімге қол қойды.

Энергетика министрлігінің баспасөз қызметінің хабарлауынша, осы келісім-шарт негізінде әлеуметтік және мемлекеттік объектілердің және басқа да ұйымдардың қажеттіліктері үшін Қытайдың «Tongwei Solar (Hefei) Co., Ltd.» компаниясы шығаратын жалпы қуаты 300 мегаваттқа дейінгі шағын қуатты күн фотоэлектрлік модульдері жеткізілетін болады.

Айта кетейік «Tongwei Solar» - бұл бірінші деңгейлі күн батареяларын шығаратын ең ірі компания. Ол шығарған күн модульдері әлемнің көптеген дамыған елдерінде осы бағыттағы жобаларда кеңінен қолданылды. «Tongwei Solar» компаниясының күн панельдерін өндіру қуаты жылына 45 гигаватттан асады, ал жалпы күн батареяларын өндіру қуаты жылына 100 гигаватттан асады.