Қытайдың миллиондаған тұрғыны бар Чэнду қаласы COVID-19 індетінің өршуіне байланысты қаладағы карантин белгісіз уақытқа ұзартылды.

The Guardian басылымының хабарлауынша, Чэндудағы локдаун осы аптаның сәрсенбісінде алынып тасталмақ болған, бірақ жергілікті билік кейбір аймақтарда вирустың таралу қаупі жалғасып жатқанын мәлімдеген.

Қазіргі уақытта Чэнду қаласының 23 ауданының 16-сының тұрғындары карантинде. Бұл аймақтардың тұрғындары күн сайын коронавирусқа тест тапсыруға мәжбүр.

Бейсенбідегі жағдай бойынша жергілікті билік тағы да 116 жаңа инфекция жағдайын тіркеген болса, бір күн 121 жағдай анықталған.

Чэндудағы карантиннің ұзартылғаны туралы хабарландырудан кейін жаһандық жеткізу тізбегінің бұзылуы мүмкін деген алаңдаушылық туындады, өйткені Apple өнімдерінің негізгі өндіріс орындарының бірі осы қалада орналасқан.

Қытайда пандемияның бүкіл кезеңінде 246 мыңнан астам коронавирус инфекциясын жұқтырып, ауру салдарынан 5,2 мың адам қайтыс болды.