Қытайдағы су тасқыны фермерлерге 225 миллион доллар шығын әкелді
Қытайдың Фуцзянь провинциясында су тасқыны салдарынан 35 мыңнан астам адам қауіпсіз жерге көшірілді. Кейбір өзендерде су деңгейі төрт метрге жуық көтеріліп, шекті деңгейден асып кетті.
Табиғи апатқа толассыз жауған жаңбыр себеп болды, салдарынан су қала көшелеріне тарап, жолдарды, үйлерді, көпірлерді су басқан.
Алдын ала мәлімет бойынша, шаруалар 225 миллион доллар шығынға ұшыраған.
Жалпы Қытайдың оңтүстік-шығысындағы табиғи апаттан 200 мыңға жуық адам зардап шеккен.
Мемлекеттік БАҚ дерегінше, аймақтардағы экономикалық шығын 57,19 миллион долларды құрайды.