Қытайдың шығысындағы Исин қаласындағы университет кампусында болған шабуылдан сегіз адам қаза тауып, он жеті адам жарақат алды.

CNN хабарлауынша, шабуыл жасаушы емтиханнан өте алмаған бұрынғы студент болған. Қолына пышақ ұстаған ол адамдарға жаппай шабуыл жасап, жарақат жеткізген. Қазір ол қамауға алынды. 

Бұл кейінгі айларда Қытайда тіркелген алғашқы пышақпен жасалған шабуыл емес. Қазан айында Бейжіңдегі бастауыш мектеп маңында 50 жастағы ер адам дәл осындай шабуыл жасап, бес адамды, соның ішінде үш баланы жарақаттаған болатын. Ал қыркүйек айында Шанхай шетінде орналасқан супермаркеттің сатып алушыларына пышақпен қаруланған адам шабуыл жасап, үш адамды өлтіріп, он бес адамды жарақаттады.