Қытайлық вирусологтар жарқанаттардан жаңа коронавирус түрін анықтады, ол COVID-19 сияқты адамдарға жұғуы мүмкін.

South China Morning Post хабарлауынша, бұл вирус Гонконгта жапон жарқанатынан алғаш рет табылған HKU5 коронавирусының жаңа тармағы болып табылады.

Қытай Ғылым академиясының Гуанчжоудағы филиалы, Ухань университеті және Ухань вирусология институтының ғалымдары Гуанчжоу зертханасында бұл вирусты терең зерттеген. Алынған мәліметтерге сәйкес, жарқанат үлгілерінен анықталған жаңа вирус адам жасушаларын зақымдай алады.

Мамандар қазіргі таңда алаңдауға негіз жоқ, бірақ бұл вирус қосымша зерттеуді қажет ететінін мәлімдеді.