Өзбекстан Республикасының Президенті Шавкат Мирзияевке

Құрметті Президент мырза!

Қытай Халық Республикасы мен Өзбекстан Республикасы арасында дипломатиялық қарым-қатынастардың орнатылғанына 30 жыл толуына орай Қытай Үкіметі мен халқының атынан және жеке өз атымнан Сізге және Сіз арқылы достас Өзбекстан халқын шын жүректен құттықтап, игі тілектерімді жолдаймын. 

Дипломатиялық қарым-қатынастар орнаған 30 жыл ішінде Қытай-Өзбекстан қарым-қатынастары дәйекті түрде дамып, табыстарға жетіп, бейбітшілік пен өзара тиімді ынтымақтастық рухындағы мемлекетаралық қатынастардың жарқын үлгісіне айналды. Атап айтқанда, біздің елдеріміз реформалар, ашықтық, даму және қалпына келтіру бойынша бір-бірінен үйреніп, тәжірибе алмасып, күш-жігерін біріктіріп, коронавирустық пандемиямен күресуде бір-біріне көмектесуде, бұл біздің жан-жақты стратегиялық серіктестігіміздің мәнін толық көрсетеді.

Мен Қытай-Өзбекстан қарым-қатынасының дамуына үлкен мән беремін және дипломатиялық қарым-қатынастардың орнағанының 30 жылдығын пайдалана отырып, Сізбен бірге елдеріміз бен халықтарымыздың игілігі үшін жан-жақты стратегиялық серіктестігіміз тарихындағы жаңа парақты ашуда жұмыс істеуге дайын екенімді білдіремін.

Істеріңізге табыс, зор денсаулық тілеймін.

Достас Өзбекстанға гүлдену мен күш-қуат, оның халқына бақыт пен даму тілеймін.

Си Цзиньпин,

Қытай Халық Республикасының төрағасы