Қытай сәрсенбіден бастап Тайваньнан цитрус жемістері мен мұздатылған балықтың кейбір түрлерінің импортын тоқтатты.

«2022 жылдың 3 тамызынан бастап Тайваньнан материкке цитрус жемістерін, салқындатылған бұлғынды және мұздатылған скумбрияны импорттауды тоқтату туралы шешім қабылданды», - делінген Қытайдың Бас кеден басқармасының хабарламасында.

Бұл шешім жақында осы өнімдерде карантиндік зиянкестердің, сондай-ақ COVID-19 инфекциясының бірнеше рет табылуына байланысты қабылданған. 

Тайвань Орталық ақпарат агенттігінің хабарлауынша, Қытай билігі бұдан бөлек жүздеген аралдың тауарларына шектеу қойған. Қара тізімге шай, кептірілген жемістер, бал, какао бұршақтары мен көкөністерді өндірумен айналысатын компаниялар енгізілгені және 700-ге жуық балық аулайтын қайықтың өнімдері де кіреді. 

Сарапшылардың пікірінше, бұл жағдай аралға АҚШ палатасының спикері Нэнси Пелосидің жасаған сапары үшін кек алу ретінде қабылданып жатыр.