2023 жылдың 9 маусымында Қытай-Қырғызстан-Өзбекстан мультимодальды көлік дәлізі бойынша жүк тасымалдау мақсатында алғашқы сынақ пойыздарының қозғалысы басталды.

Көлік министрлігінің мәліметінше, Сиань қаласында өткен «Қытай-Орталық Азия» саммиті аясында қол жеткізілген уағдаластықтарды жүзеге асыру мақсатында «Zhejiang Union of Railway Logistics» компаниясы, «Өзбекстан теміржолдары» және «Қырғыз теміржолы» ұлттық компаниялары бірлесе отырып, Ланьчжоу станциясынан Ташкентке 30 контейнер тұратын блоктық пойыздар қозғалысын бастады.

Құрамында күн батареялары, механикалық жабдықтар, маталар және басқа да тауарлардан тұратын жалпы құны 2,5 миллион АҚШ долларын құрайтын жүк Қытайдың Ланьчжоу қаласынан 15 күннен кейін Ташкентке жетуі тиіс.