Қытай Халық Республикасының Сыртқы істер министрі Ван И мен АҚШ Мемлекеттік хатшысы Марко Рубио арасындағы келіссөздер нәтижесінде ҚХР тарапы жариялаған ресми мәлімдемеде екі ірі держава барлық деңгейде өзара ынтымақтастық пен диалогты күшейтіп, байланыс аясын кеңейтуге, сондай-ақ туындаған келіспеушіліктерді шешу жолдарын бірлесе қарастыруға уағдаласқан.

Жоғары деңгейдегі бұл келіссөздер 11 шілде күні Куала-Лумпурда өткен АСЕАН саммиті аясында өтті.

«Екі тарап та кездесу барысының оң, прагматикалық әрі сындарлы сипатта өткені жөнінде ортақ пікір білдірді», — делінген Қытай Сыртқы істер министрлігінің ресми сайтында жарияланған ақпаратта.

Сонымен қатар, тараптар дипломатиялық арналарды жандандырып, барлық деңгей мен салада байланыстарды жандандыру, өзара қатынастарды дамытуда дипломатиялық инфрақұрылымның әлеуетін толық пайдалану, жағдайды тиімді басқару және жаңа серіктестік бағыттарын бірлесе айқындау жөнінде нақты уағдаластыққа қол жеткізді.