Швейцарияда өткен Қытай мен АҚШ арасындағы сауда келіссөздері нәтижелі аяқталды. Бұл — АҚШ экс-президенті Дональд Трамптың биылғы қаңтарда Пекинге қатысты қатаң тарифтер енгізгенінен кейін екі ел арасында өткізілген алғашқы жоғары деңгейлі кездесу болды.

BBC басылымының хабарлауынша, АҚШ Қаржы министрі Скотт Бессент бұл кездесуді «пайдалы әрі сындарлы», ал ҚХР Премьер-министрінің орынбасары Хэ Лифэн «түпкілікті ойластырылған және шынайы» сипатта өтті деп бағалаған.

Келіссөздерге халықаралық ұйымдар да назар аударды. Дүниежүзілік сауда ұйымының бас директоры Нгози Оконжо-Ивеала бұл диалогты «алға жасалған маңызды қадам» деп атады.

– Мен екі ел басшыларын шиеленісті бәсеңдетуге, көпжақты сауда жүйесіне деген сенімді нығайтатын нақты әрі тиімді шешімдер әзірлеуді жалғастыруға шақырамын, – деді Нгози өз мәлімдемесінде.