Қытай Дүниежүзілік сауда ұйымына (ДСҰ) Еурокомиссияның ҚХР-да шығарылған электромобильдердің Еуропалық Одаққа импортына қосымша баж салығын енгізу туралы шешіміне ресми түрде шағымданды.

Брюссельдің шешімі ДСҰ ережелеріне қайшы келеді және «климаттың өзгеруіне қарсы күрестегі жаһандық ынтымақтастыққа» нұқсан келтіреді», - делінген Қытайдың Сауда министрлігі мәлімдемесінде.

Ведомство Еурокомиссияны «өзінің заңсыз тәжірибесін тез арада түзетуге» және «Қытай мен Еуропалық Одақ арасындағы экономикалық және сауда-саяси ынтымақтастықты, сондай-ақ электрлі көліктерге арналған өнеркәсіптік және логистикалық тізбектерді тұрақты ұстауға» шақырған.