Қытайдың «Чанъэ-6» зонды Айдың арғы жағынан жиналған топырақ үлгілерін Жерге жеткізді.

Бұл туралы Қытай ұлттық ғарыш басқармасы хабарлады.

Ақпаратқа сәйкес, сейсенбі күні «Чанъэ-6» зондысының қайтарылмалы модулі Қытай Халық Республикасының Ішкі Моңғолия автономиялық ауданы аумағына қонып, миссия сәтті деп танылды.

Орбиталық, қону, көтерілу және қайтылмалы модульдерінен тұратын зонд 3 мамырда ұшырылды.

«Чанъэ-6» зонды маусым айының басында Айдың арғы жағына қонды, ол топырақ жинап, үлгілерді қайтарылмалы аппаратқа жеткізді.