Қытай Сыртқы істер министрлігі АҚШ-ты Вашингтон голландиялық ASML және жапондық Nikon компанияларының Қытайға чип шығаратын құрал-жабдықтарды сатуына жол бермеуге тырысып жатқаны туралы ақпаратқа байланысты сынға алды.

Bloomberg басылымының хабарлауынша, «Сәрсенбі күні күнделікті брифингте Қытай Сыртқы істер министрлігінің ресми өкілі Чжао Лицзянь Вашингтон іздеген экспорттық шектеулерді сынға алды».

Сонымен бірге ол бұл тәжірибені «технологиялық терроризм» деп атап, ресми Бейжің қандай да бір жауап шараларын жоспарлап отыр ма, жоқ па, нақтыламаған.

Бұған дейін Bloomberg агенттігі, АҚШ билігі Голландия үкіметін ASML-ге микросұлбаларды өндіру жүйелерінің бірін ҚХР-ға сатуға тыйым салуға сендіруге тырысып жатқанын хабарлаған болатын. Бұл озық заманауи емес, бірақ ол автомобиль, телефон, компьютер мен роботтарға арналған микросұлбаларды жасауда өте қажетті микросхема.