Бейжің АҚШ-ты Қытайдың ішкі істеріне араласуды тоқтатуға және Тайвань әкімшілігінің басшылығымен кез келген ресми байланысын тоқтатуға шақырады.

«Біз АҚШ-тың Тайваньмен ресми байланысының кез келген түріне үзілді-кесілді қарсымыз, біз Тайвань басшылығының кез келген сылтаумен Америка Құрама Штаттарына сапар шегуіне үзілді-кесілді қарсымыз..., біз АҚШ-тың «Бір Қытай» қағидатын және үш бірлескен қытай-американ коммюникесінің ережелерін бұзуына, сондай-ақ олардың Демократиялық прогрессивті партия басшылығымен кез келген байланысына үзілді-кесілді қарсымыз», - делінген Қытай қорғаныс министрлігінің мәлімдемесінде.

Сонымен қатар, Қытай «АҚШ-ты Тайвань мәселесі бойынша Қытай алдындағы саяси міндеттемелерін бұлжытпай орындауға, Қытайдың ішкі істеріне өрескел араласуды тоқтатуға және Тайваньмен ресми байланыстарды тоқтатуға шақыратыны» атап өтілген.