Қырғызстанның Орталық сайлау комиссиясы елдегі президент сайлауының алдын-ала қорытындыларын жариялады.

Кезектен тыс өткен Қырғызстандағы президенттік сайлаудағы алдын-ала мәліметтер бойынша, үміткер Садыр Жапаров ең көп дауыс жиған. Оған бүгінгі сайлауда қатысқан азаматтардың 78,49 пайызы дауыс берген.

ОСК-ның соңғы мәліметтері бойынша, сайлауда 50,61 пайыз сайлаушы қатысқан болып, үміткерлер арасында Адахан Мадумаров 6,56 пайыз дауыспен екінші орынды иеленген.

Сайлау нәтижелері екі аптадан кейін ресми түрде жариялануы керек. Бірақ қазірдің өзінде Жапаровтың Қырғызстан тарихындағы ең жас президент болуы мүмкіндігі артқан. 52 жастағы Садыр Жапаров өзінің саяси мансабын 2005 жылы бастаған.