Қырғызстан парламенті – Жоғары Кеңесі «шетел агенттері» туралы заң жобасын екі минут ішінде талқылаусыз қабылдады.

«Интерфакс» агенттігінің хабарлауынша, бұл құжат үкіметтік емес коммерциялық емес ұйымдардың қызметіне қосымша мемлекеттік бақылау мен тексеруді енгізуді көздейді.

Жобаның бастапқы мәтінінде азаматтық-құқықтық міндеттемелерді орындаудан немесе мұндай ұйымның қызметіне қатысудан бас тартуға итермелейтін коммерциялық емес ұйым құрғаны үшін қылмыстық жауапкершілік белгіленген. 20 ақпанда бұл норма жобадан алынып тасталды.

Жергілікті қоғам қайраткерлері, халықаралық ұйымдар, сондай-ақ Қырғызстан Жоғарғы соты мен Бас прокуратурасы бұл бастамаға бірнеше рет қарсылық білдірген.

Бұған қоса, жергілікті журналистер «шетел агенттері» туралы заң жобасы Ресейдің ұқсас заңынан 69,2 пайыз көшіріліп алынғаны туралы жазған.