Қырғызстанның Төтенше жағдайлар министрлігінің құтқарушылары су тасқынынан зардап шеккен Қазақстан халқына 300 тонна гуманитарлық жүк жіберді.

KAZINFORM хабарлауынша, Қырғыз Республикасының Президенті Садыр Жапаровтың тапсырмасы бойынша елдің Төтенше жағдайлар министрлігі «Азық-түлік керуені» гуманитарлық жүгін ұйымдастырды. 

Гуманитарлық жүк тиелген автоколонна 6 сәуір күні таңғы сағат 4-те Қазақстанға аттанған.

Оның құрамында күнбағыс майы, қант, күріш, макарон және кондитерлік өнімдер, сондай-ақ жергілікті жерде өндірілген матрацтар, киім-кешек, шатырлар бар.