Қырғызстан президентінің туысы Улан Жапаров жемқорлыққа қатысы бар деген күдікпен қамауға алынды. Бұл ақпаратты Мемлекет басшысының баспасөз хатшысы Ербол Сұлтанбоев растады.

«Тұтқынға алынған Ұлан Жапаров шын мәнінде мемлекет басшысының туысы. Ол кеден мәселесіне қатысты сыбайлас жемқорлыққа қатысы бар топта болды деген күдікке ілінді. Президенттің өзі күдіктілерге қатысты заңды шара қолдануды талап етті, - делінген хабарламада.

Баспасөз хатшысы қамауға алынған 32 жастағы Улан Жапаровтың Қырғызстан президентінің немере ағасы Рақымжан Жапаровтың ұлы екенін растады.