Қырғызстан мен Тәжікстан шекарасында қарулы қақтығыс болды. Онда гранатомет пен миномет пайдаланылған.

Қырғызстан Ұлттық қауіпсіздік мемлекеттік комитетінің Шекара қызметінің хабарлауынша, қырғыз-тәжік учаскесінде атыс болып, тәжік тарапы гранатомет пен минометтерді пайдаланған.

«Баткен облысы Баткен ауданына қарасты Бұлақ-Башы ауданында сағат 07:00 шамасында Тәжікстанның Кех шекара заставасынан Бұлақ-Башы қырғыздары бағытында оқ атылды. Жауап ретінде қырғыз тарапы да тәжік бекеті бағытында жауап оқ атты», - делінген хабарламада.

Дерекке сай, екі жақтың шекарашылары бірден жауынгерлік позицияларға көшкен. Қырғызстанның Баткен облысындағы шекара өкілі мен Тәжікстанның Соғды облысындағы шекара өкілі телефон арқылы сөйлескен. 

«Сағат 7:50-де тәжік тарапы гранатомет пен минометтерді қолданып атысты қайтадан бастады. 8:10-да атыс тоқтады. Қазіргі уақытта атыс себептерін анықтау және жағдайдың ушығуына жол бермеу мақсатында тараптардың шекара өкілдерінің кездесуі өтіп жатыр», - делінген Шекара қызметі ақпаратында.