Davlatimiz rahbarining 2023 yil 16 fevraldagi qarori bilan joriy yil 1 apreldan aholiga quyosh panellari orqali ishlab chiqarilgan elektr energiyasining har bir kilovatt·soatiga 1000 so‘mdan subsidiya beriladi.

Shuningdek, bugundan boshlab respublika hududlarida aholi xonadonlariga kichik quvvatli (umumiy quvvati 50 kVt gacha) quyosh panellarini o‘rnatishni rag‘batlantirish bo‘yicha «Quyoshli xonadon» dasturi ishga tushirildi.

Dasturga ko‘ra, jismoniy shaxslar tomonidan quyosh panellari orqali ishlab chiqarilgan va o‘z iste’molidan orttirib yagona elektr energetika tizimiga uzatilgan elektr energiyasining har bir kilovatt soatiga 1000 so‘mdan subsidiya ajratiladi.

Aholi tomonidan sotilgan elektr energiyasi uchun mablag‘lar har oy «Soliq» mobil ilovasi orqali fuqarolarning bank plastik kartalariga o‘tkazib beriladi.

O‘zA