Сирдарё вилоятида қайта тикланувчи энергия манбаларини босқичма-босқич жорий этиш орқали ишлаб чиқариш самарадорлигини ошириш ҳамда энергия тежамкор технологиялардан кенг фойдаланиш борасида ижобий ишлар амалга оширилмоқда.

Хусусан, “Сирдарё” ИЭС корхонасида 2023 йилда қуввати 1326 кВт бўлган қуёш панеллари ишга туширилган бўлиб, ўз эҳтиёжлари учун 1430 Мвт муқобил электр энергияси ишлаб чиқарилган ва натижада электр энергияси истеъмолидан қарийб 1 миллиард сўм иқтисод қилинган.

Шунингдек, “Сирдарё” ИЭС корхонаси ҳудудида 2024 йилнинг 1-чорагида қўшимча равишда 520 Квт ҳажмдаги қуёш панеллари ўрнатилиб, ҳозирги кунда тўлиқ ишга туширилган.

Вилоятда қуёш панелларини ўрнатиш ишлари жадаллик билан давом эттирилиб, қайта тикланувчи энергия манбаларини ривожлантириш орқали маҳсулот таннархини янада пасайтиришга эришилмоқда.

Ш.Суяров,

ЎзА мухбири.