“Agar, tanamizni kuchli ultrafiolet nuriga yoki juda kuchli yorugʻlikka duchor qilsak, koronavirus bir daqiqaga qolmay yoʻq boʻladi. Agar, yorugʻlikni terimiz orqalimi yoki boshqa yoʻl bilanmi, organizmimiz ichiga kirita olsak, bu ham COVID-19 infeksiyasini bir zumga qoldirmay oʻldiradi”, - dedi u.

Shu bilan birga, Donald Tramp bunday maʼlumotni qayerdan olganini aytmagan.

Bundan avval Rossiya sogʻliqni saqlash vaziri Mixail Murashko ham quyosh “koronavirus tarqalishiga yoʻl qoʻymaydi” deya taʼkidlagan edi.

Jahon sogʻliqni saqlash tashkilotining (JSST) soʻnggi maʼlumotlariga koʻra, hozirgacha dunyoda 2,5 milliondan ziyod kishi koronavirusga chalingani aniqlangan, 175 ming bemor vafot etgan.