Хитойнинг Шэньчжэнь шаҳрида Тошкент шаҳар ҳокими вазифасини бажарувчи Шавкат Умурзоқов бошчилигидаги делегация аъзолари билан “Guangdong Zomman Energy Technology Co.Ltd" компаниясининг директорлар кенгаши раиси Слава Ванг билан учрашуви бўлиб ўтди.

Музокаралар давомида қайта тикланувчи энергия манбаларидан электр энергияси ишлаб чиқаришни кўпайтириш бўйича Хитой тажрибаси шунингдек, 10 дан ортиқ мамлакатларда “Zomman Energy“ энергетика лойиҳалари тақдимоти ўтказилди. 

Учрашув якунида “Тошкент инвест компанияси” АЖ ва “Guangdong Zomman Energy Technology Co.Ltd" компанияси ўртасида инвестицияларни жалб қилиш орқали 100 МВт қувватга эга қуёш энергиясини ишлаб чиқариш соҳасида ҳамкорлик тўғрисида келишув имзоланди. Келишувда инвесторнинг ўзи томонидан оператив бошқарувни амалга ошириш ва ўзини-ўзи қоплаш модели кўзда тутилган.  

Гулноза Бобоева, ЎзА