FOTREPORTAJ
Navoiy viloyati Qiziltepa tumani favqulodda vaziyatlar bo‘limining yangi binosi foydalanishga topshirildi.
Yangi binoda barcha qulayliklar yaratilgan. Xususan, qutqaruvchilar uchun yotoqxona, oshxona, Ma’naviyat va ma’rifat xonasi hamda sport zallari bor. Ushbu zamonaviy talablarga javob beradigan yong‘in-qutqaruv qismi binosining qurilish ishlariga 7 milliard so‘mdan ziyod mablag‘ sarflangan.
[gallery-12994]
Kundalik hayotimizda sodir bo‘ladigan har qanday noxush holatda birinchi galda favqulodda vaziyatlar xodimlari yordamga oshiqadi. Holat nechog‘li og‘ir bo‘lmasin, ular o‘z jonlarini xavf ostiga qo‘yib, aholi xotirjamligi uchun kuch-g‘ayratlarini safarbar etishadi. Tizimning moddiy-texnik bazasini yaxshilash yo‘lida olib borilayotgan bunday ishlar negizida aholiga o‘z vaqtida sifatli xizmat ko‘rsatish va, albatta, ularni rozi qilish asosiy maqsad etib belgilangan.
Siroj ASLONOV(surat),O‘zA