Quad yetakchilari uchrashuvi 24 mayda Yaponiyada bo‘lib o‘tadi
Yaponiya, AQSH, Hindiston va Avstraliyaning xavfsizlik bo‘yicha to‘rt tomonlama muloqoti bilan bog‘liq uchrashuv (Quadrilateral Security Dialogue, Quad) 24 mayda Yaponiyada hududida bo‘lishi rejalashtirilgan.
Bu haqda Yaponiya Vazirlar Mahkamasi bosh kotibi Xirokadzu Matsuno payshanba kuni bo‘lib o‘tgan matbuot anjumanida ma’lum qildi. Anjumanda u AQSH Prezidenti Jo Baydenning mamlakatga tashrifi haqida atroflicha to‘xtatilb o‘tgan.
"Prezident Bayden 22 dan 24 maygacha mamlakatimizda bo‘ladi. Rejaga ko‘ra, u 23 may kuni Yaponiya bosh vaziri Fumio Kisida bilan uchrashadi, 24 mayda esa Quad to‘rtligining muzokaralarida ishtirok etadi", – deya e’lon qildi Matsuno.
Bundan oldinroq Baydenning Yaponiyaga bo‘lajak tashrifi haqida Oq uy matbuot kotibi Jen Psaki ham ma’lum qilgan edi.