Жер бетіндегі күллі мұсылман қауымы үшін қасиетті мереке Құрбан айт мерекесі құтты болсын. Бүгінгі ұлық күн – мұсылман күнтізбесі бойынша Зүлхижа айының оныншы жұлдызында (Арафа күнінен кейін) және Ораза айт мейрамынан 70 күн өткеннен кейін басталып, 3 күнге жалғасады. Құрбан айтта мұсылман жұрты ниет етіп Алла разылығы үшін құрбандыққа мал сойады. Бұл мұсылмандардың негізгі міндеттерінің бірі болып, құрбан сөзінің анықтамасы араб тілінде «жақындау» деген мағынаны білдіреді.

Бүгінгі таңда орын алып тұрған елдегі ахуалға орай, коронавирутық пандемияның кесірінен Құрбан айт мерекесі отбасылық ортада тойлауды нәсіп етіп отыр. Сондықтан әр бір азамат бүгінгі қасиетті күннің уәжіп амалдарын орындауда пендешілікке салынбай барынша жауапкершілікпен қарағаны жөн болар. Құрбан айттағы жасаған игі амалымыз бен ізгі ниетіміз қабыл болып, мереке баршамызға құтты болсын.