Toshkent davlat sharqshunoslik universiteti prorektori, xitoyshunos Elyor Mahmudov 11 noyabr kuni Qozon federal universiteti tomonidan tashkillashtirilgan “Rossiya-Xitoy: tarix va madaniyat” nomli XIV xalqaro ilmiy-amaliy konferensiyaning ochilishida ishtirok etdi.

U o‘z ma’ruzasida O‘zbekistonda xitoyshunoslik rivojiga to‘xtalib, sohadagi ilmiy tadqiqotlarning chuqur o‘rganilishida mazkur konferensiyaning ahamiyatini ta’kidlab o‘tdi.

Shu bilan birga, E.Mahmudov Qozon federal universiteti rektori I.Gafurov, prorektorlar T.Alishev va M.Safiullinlar bilan kelajakdagi hamkorlik rejalarini belgilovchi qator uchrashuvlar o‘tkazdi.