Самарқанд шаҳридаги енгил атлетика ва ўйин турларига ихтисослаштирилган спорт мактабида 16 ёшгача бўлган ўсмирлар ўртасида баскетбол бўйича Осиё чемпионати йўлланмаси учун ўтказилган саралаш баҳслари якунланди.

Мусобақада Қирғизистон ва Ўзбекистон терма жамоаларини йирик ҳисобларда мағлуб этган қозоғистонлик ўсмирлар Марказий Осиё баскетбол ассоциацияси кубогини қўлга киритди. Ушбу натижа Қозоғистон терма жамоасига жорий йилнинг сентябрь ойида Қатарда ўтказиладиган Осиё чемпионатида иштирок этиш имкониятини яратди.  

Мусобақа якунида ғолиб ва совриндорларга кубок, медаллар топширилди. Тақдирлаш маросимида Ўзбекистон Республикаси транспорт вазири, Ўзбекистон баскетбол федерацияси президенти Илҳом Маҳкамов ва Марказий Осиё баскетбол ассоциацияси президенти Абай Алпамисов иштирок этди.

[gallery-12555]

Ғ. Ҳасанов,

А. Исроилов (сурат), ЎзА