Qozog‘iston moliya vaziri Yerulan Jamaubayev hukumat majlisida so‘zga chiqib, ushbu masalada ma’lumot berdi, deb yozmoqda «Kazinform» axborot agentligi.

«Xususiylashtirish bo‘yicha 2021-2025 yillarga mo‘ljallangan kompleks rejaga ko‘ra, 733 ob’ekt sotilishi kerak. Hozirgacha 197 ob’ekt sotilgan yoki keyinchalik sotib olish huquqi bilan ishonchi boshqaruvga topshirilgan. 112 ta ob’ekt savdoga qo‘yilgan. 16 ta ob’ekt faoliyati qayta tashkil etishga va likvidatsiya qilishga yo‘naltirilgan. 348 ta ob’ekt sotuvga qo‘yilish jarayonida turibdi», — dedi Yerulan Jamaubayev.