Қозоғистонда автомобилларга ёқилғи қуйиш шохобчасида портлаш содир бўлди
Воқеа якшанба куни Актюба вилоятининг Алға шаҳрида автомобилларга ёқилғи қуйиш шохобчасида рўй бергани айтилмоқда.
Уч нафар ходим қочиб қолишга муваффақ бўлган, деб хабар тарқатди мамлакат Фавқулодда вазиятлар хизматининг вилоят департаменти матбуот котиби.
"Алға шаҳрининг Абай кўчасида жойлашган "ЛиманГаз" автомобилларга ёқилғи қуйиш шохобчасида сиғими 46 куб метрли идишда иккита портлаш кузатилган. Натижада “Toyota Camry” автомашинаси, юклаш техникаси ёниб кетган ва шохобчанинг маъмурияти жойлашган бино вайрон бўлган. Шу ердаги уч нафар ишчи мустақил равишда хоналарни тарк этган", – дейилади департамент тарқатган хабарда.
Фавқулодда вазиятлар хизмати ходимлари воқеа жойига зудлик билан кетиб келгани айтилмоқда.