Қозоғистон президенти Қосим-Жомарт Тоқаев 10-11 февраль кунлари ишчи ташриф билан Россияда бўлади.

Бу ҳақда маълум қилган Қозоғистон раҳбарининг матбуот котиби Берик Уали: “10-11 февраль кунлари Тоқаев Россия президенти Владимир Путиннинг таклифига мувофиқ Россия Федерациясига ишчи ташрифини амалга оширади. 10 февраль куни Тоқаев Россия президенти билан музокаралар олиб боради. Музокараларда икки давлатнинг кўп томонлама стратегик ҳамкорлигининг ривожига доир масалалар кўриб чиқилади”,- деб ёзади ўзининг “Facebook”даги саҳифасида.

Шунингдек, ташриф доирасида Қозоғистон президенти 11 февраль куни Татаристон президенти Рустам Минниханов билан учрашиши белгиланган, дейилади хабарда.