Қозоғистон: Конституцияга тузатиш киритиш бўйича референдумнинг дастлабки натижалари эълон қилинди
Қозоғистоннинг барча вилоятларида конституцияга тузатиш ва тўлдириш киритиш бўйича референдум учун овоз бериш бўлиб ўтди.
Қозоғистон марказий референдум комиссия раиси Нурлан Абдиров референдумнинг дастлабки натижаларини эълон қилди. Бу ҳақда Kazinform хабар қилди.
– Референдумда қатнашиш ҳуқуқига эга бўлган Қозоғистон Республикаси фуқароларининг умумий сони 11 миллион 734 минг 642 нафарни ташкил этди. Овоз беришда иштирок этганлар сони 7 миллион 986 минг 293 нафар ёки референдумда қатнашган фуқаролар умумий сонининг 68,06 фоизини ташкил этди. Шундай қилиб, референдум ўтказилган деб ҳисоблаш мумкин, – деди Нурлан Абдиров
И.Аввалбоев, ЎзА