Қозоғистон бош вазири мамлакатдаги эпидемиология билан боғлиқ вазиятга баҳо берди
Бу ҳақда «Казинформ» агентлиги хабар бермоқда.
«Ҳозирга келиб вазият бироз барқарорлашган. Вируснинг репродуктивлик индекси пасайди. Касалхоналарда ўринларнинг бандлиги ҳам 41 фоизга, жонлантириш бўлимида 28 фоизга камайган. Шу боис, бугунги кунда олдимизда турган энг муҳим вазифа, барча фуқароларимизни коронавирусга қарши эмлаш жараёни билан қамраб олиш.
Апрель ойига охиригача вакцина олиши зарур бўлган аҳолининг 20 фоизи эмланиши керак», – деди Асқар Мамин ҳукумат мажлисида. Унинг таъкидлашича, ҳудудларга вакцина етказиб бериш ва эмлаш жадвалига амал қилиниши лозим.