Ёдингизда бўлса, 2020 йилнинг август ойида Тошкент ер усти метросининг I босқичи, декабр ойида эса Сергели йўналиши очилган эди. Натижада минглаб аҳолининг узоғи яқин бўлди.

Тошкент метрополитен хизматидан бугунги кунда 600 мингдан ортиқ йўловчилар фойдаланиб келмоқда.

Ҳозирда Ер усти ҳалқа метро йўлининг II босқичи – 8,5 км узунликдаги 5 та бекатни ўз ичига олган «Қўйлиқ–Қурувчилар» қисми қуриб битказилган бўлиб, лойиҳанинг 3,8 км узунликдаги 2 та бекатни ўз ичига олувчи «Қурувчилар – Қипчоқ» қисмида қурилиш ишлари жадаллик билан олиб борилмоқда.

<iframe width="650" height="420" src="https://www.youtube.com/embed/oHnYQWaZAOk" title="«Қўйлиқ–Қурувчилар» ер усти ҳалқа метро йўлининг 5 та бекати қуриб битказилди" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Бу ҳақда жорий йилнинг 24 март куни ОАВ ходимларига маълумот берилди ва журналистлар иштирокида, мазкур йўналишлар бўйлаб поездлар техник ҳаракати синовдан ўтказилди.

Кўриб турганингиздек, ер усти метро йўналишлари замонавий кўринишда бўлиб, йўловчилар учун барча қулайликлар яратилган.

Келажакда метрополитен хизматидан фойдаланувчилар сонини 1 миллионга етказилиши кўзда тутилган.

Техник синовлардан сўнг мазкур йўналишда йўловчи ташувларининг бошланиши натижасида бир кунда 40 минга яқин йўловчига хизмат кўрсатилади. Йўналишлар орасидаги қатновлар эса 15 дақиқани ташкил этади.

М.Эшмирзаева, Д.Якубов, ЎзА