Бердақ номидаги Қорақалпоқ давлат университетида AҚШнинг Ўзбекистондаги элчихонаси ҳомийлигида Америка ресурс маркази ташкил этилди.

Марказ очилишида Қорақалпоқ давлат университети ректори, профессор A.Реймов ва халқаро таълим бўйича Aмерика кенгашининг мамлакатимиздаги ваколатхонаси раҳбари Уильям О’Роарк Оролбўйи олий таълим муассасалари, шу жумладан, Қорақалпоқ давлат университети ўртасидаги истиқболдаги ҳамкорликка тўхталди.

Таъкидланганидек, Aмерика ресурс маркази талабаларга ҳақиқий инглиз муҳитида билим олишда ва дунёқарашини кенгайтиришда катта имконият беради. Хорижий тиллар факультети талабалари учун бу жуда катта имконият бўлди.

Тадбир якунида Бердақ номидаги Қорақалпоқ давлат университети ва халқаро таълим бўйича Aмерика кенгашининг мамлакатимиздаги ваколатхонаси ўртасида ҳамкорлик келишуви имзоланди.

Довуд Абибуллаев, ЎзА