Basketbol bo‘yicha ayollar jamoalari o‘rtasida Andijon viloyatida bo‘lib o‘tgan O‘zbekiston kubogi musobaqasida Qoraqalpog‘iston jamoasi g‘oliblikni qo‘lga kiritdi.

Nukus temir yo‘l vokzalida g‘olib jamoa a’zolari va murabbiylar tantanali kutib olindi. 

Jamoa bosh murabbiysi Jamiyla Baymuratovaning ta’kidlashicha,  qoraqalpog‘istonlik qizlar Navoiy, Namangan, Jizzax, Farg‘ona va Toshkent viloyatining “OTMK” jamoalaridan ustun keldi va O‘zbekiston kubogi sohibasiga aylandi. 2025 yil jamoa uchun omadli boshlandi va ilk marta g‘olib bo‘lishga muyassar bo‘ldi. Musobaqa yakunida Qoraqalpog‘iston jamoasi tarkibidan 6 nafar o‘yinchi mamlakatimiz terma jamoasi yig‘iniga taklif qilindi.

Dovud Abibullayev, O‘zA muxbiri