Oilaviy bolalar uyi tarbiyalanuvchilari, “Mehrli maktab” o‘quvchilari, ota-onasining qarovisiz qolgan, ota-onalari vatanimiz chegaralarini himoya qilishda qurbon bo‘lgan bolalar hamda ijtimoiy himoyaga muhtoj oilalarning farzandlari uchun “Prezident sovg‘alari” Qoraqalpog‘istonga yetib keldi.

3 yoshdan 9 yoshgacha bo‘lgan bolalarga mo‘ljallangan “Prezident sovg‘alari” tarkibida davlatimiz rahbarining bolalarga yo‘llagan Yangi yil bayrami tabrigi, kitoblar to‘plami, kanselyariya buyumlari, yumshoq o‘yinchoqlar, didaktik o‘yinlar va boshqa sovg‘alar bor.

Prezident sovg‘alari Orolbo‘yining barcha shahar va tumanlaridagi bolalarga 25 dekabr kuni tantanali ravishda topshiriladi.

Dovud Abibullayev, O‘zA muxbiri