— Ўша кун мен тушдан кейин Нукусга кириб келдим. Мактабни усти учун қурулиш плитасини Навоийдан олиб келгандим.

Юкимни мактаб объектига тушургандим бирдан бу ғалаён бошланди. Юкни тушириб бўлганимиздан кейин бизга телефон бўлди, "Йўлга чиқманглар, йўллар ёпилган", дейишди. Кейин ўша жойда юк машинамни ичида қолдим.

Кечаси соат 11-00 лар атрофида эди. Машинани келиб тақиллатишди. Уйғониб қарасам кўпчилик одам. Менга "...туш пастга", деб сўкиниб бақиришди. Тушдим. "Машинада нима бор", дейишди. Очиб кўриб ҳеч нима топа олишмади.

"Кимсан? Миллатинг нима?" сўроқ қилишди. Кейин машинани ташқарига чиқариб йўлни ёпамиз, дейишди. Мен машина ёнмайди, дедим. Кейин биттаси чиқиб рулга ўтирди-ю машинани юрғизишга уринди... Катта йўлни машинам билан тўсиб қўйди. Шундан сўнг мени машинадан тушуриб бориб "Ғалаёнга қўшиласан", деб сўкиниб буйруқ берди.

Кейин ўзи бошқаларга чалғиди. У ерда одам кўп эди, уларнинг қўлларида таёқ, тош каби қаттиқ нарсалар бор эди. Одамлардан бири "...кет бу ердан, ўзингни бир бало қилиб қўймасдан", деб мени паналатиб қочишимга ёрдам берди. Шу билан ўша жойдан чиқиб кетдим.

Эртасига эрталаб соат 6 ларда шу жойга келгандим машинамни ёниб, кул бўлган ҳолда кўрдим. Ҳужжатларим ҳам ёниб кул бўлибди.

<iframe width="640" height="420" src="https://www.youtube.com/embed/DwbTGy5F-zo" title=""Қорақалпоғистон воқеалари" — Катта юк машинаси ёниб кул бўлган ҳайдовчи ҳикояси" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>