Қўқон шаҳридаги Амирий кутубхонасига ташриф буюрганлар ноодатий ҳолатнинг гувоҳи бўлдилар. Гап шундаки, бу ерда ёш жуфтликнинг никоҳни қайд этиш маросими бўлиб ўтди. Унда келин-куёвнинг яқинлари, дўстлари, қариндошлари қаторида Қўқон шаҳар ҳокими М.Усмонов ҳам иштирок этди.

Никоҳ қайд этилишидан олдин М.Усмонов ёшларни ҳаётидаги унутилмас кун билан қутлаб, оила – бу улкан масъулият экани, ҳар бир оиладаги соғлом маънавий-руҳий муҳит келгусида фарзандлар тарбиясида ҳал қилувчи аҳамият касб этишини таъкидлади. Соғлом маънавий-руҳий муҳит эса маърифатдан, зиёдан бошланади. Маърифатли, зиёли бўлмоқ китобни севмоқ, чин маънода китобхонга айланмоқ деганидир.

[gallery-14332]

- Ёш оиланинг янги ҳаёти кутубхонадан бошланаётгани ибрат ва намунадир, - деди Қўқон шаҳар ҳокими.

Келин-куёв никоҳ маросимидан кейин Амирий кутубхонаси олдидаги яшил майдонда эзгу ният билан кўчат экдилар.

ЎзА фотомухбири
Муқимжон Қодиров олган суратлар