Қўқон шаҳар ҳокими Маруфжон Усмонов 33-"Собир Абдулла" маҳалла фуқаролар йиғини раиси Аъзамжон Зиявитдинов ва саховатпеша тадбиркорлар ҳомийлиги асосида Қўқон шаҳар, Бекбўтабек кўчасида истиқомат қиладиган Дилафрузхон Абдураҳимовага икки хонали хонадоннинг калитини топширди.

Шаҳар ҳокими давлатимиз раҳбари ташаббуси билан ташкил этилган "Саховат ва кўмак" жамғармаси доирасида мамлакатимизда тадбиркорлар ва саховатпеша инсонлар томонидан амалга оширилаётган хайрли ишлар хусусида тўхталиб ўтиб, ижтимоий муҳофазага мухтож фуқароларни қўллаб-қувватлашда иштирок этганларга миннатдорчилик изҳор этди.

М. Сулаймонов, ЎзА