Өзбекстанға жұмыс сапарымен келген Оңтүстік Кореяның Чонгжу қаласының өнеркәсіп және инвестицияларды қолдау басқармасының басшысы бастаған делегация өкілдері Қоқан қаласының әкімі Маруф Усмановпен кездесті.

Қалалық әкімдік ақпарат қызметінің хабарлауынша, кездесу барысында тараптар Қоқан мен Чонгжу қалалары арасында сауда-экономикалық, ғылыми-техникалық, өндірістік, білім беру және туризм салаларында ынтымақтастық орнату мәселелерін талқылады.

«Чонгжу қаласы әкімшілігінің өкілдері Қоқан қаласының әлеуетін ескере отырып, осы аймақ аясында жүзеге асырылатын экономикалық және әлеуметтік жобаларға қатысуға мүдделі екендіктерін жеткізді.

Кездесу соңында Қоқан мен Чонгжу қалалары арасында бауырлас қалалар туралы меморандумға қол қойылды», делінген хабарламада.

Меморандум тараптардың білім, мәдениет, туризм, әлеуметтік-экономикалық және инвестиция салаларындағы өзара тиімді ынтымақтастығын қамтиды.