Бухоро вилояти “Олот” чегара божхона пости орқали  “Парранда еми” товарларини ноқонуний олиб ўтишга  бўлган икки уриниш бартараф этилди. Биринчи ҳолатда юк ҳужжатларида кўрсатилганидан 2 630 килограмм ортиқча, иккинчисида эса ҳужжатларда умуман қайд этилмаган 1 184 килограмм товар аниқланиб, умумий қиймати 455 миллион сўмлик маҳсулотлар вақтинча сақловга олинди.

“Хўжадавлат” темир йўл божхона постида хориждан келтирилган “стилок” товарлари божхона назоратидан ўтказилганда ҳужжатларга нисбатан тафовут аниқланди. Холислар иштирокида олиб борилган божхона кўриги натижасида 13,23 килограмм ортиқча, 123 миллион сўмлик товар борлиги қайд этилди. 

Шунингдек, яна бир ҳолатда шу пост орқали кириб келган юклар инспекцион кўрикдан ўтказилганда 14,63 тоннага ортиқча, қиймати эса 124 миллион сўмлик “арматура” маҳсулотлари борлиги  аниқланди. 

Ҳозирда мазкур ҳолатлар юзасидан божхона органлари томонидан терговга қадар текширув ишлари олиб борилмоқда.

Зариф Комилов, ЎзА мухбири.